Tragjedi në ditën më të bukur (VIDEO)

Publikohet videoja tragjike e momenteve kur një nuse humbi jetën, pas rrëzimit të helikopterit, pak minuta para zhvillimit të ceremonisë martesore.

Ngjarja ka ndodhur në muajin dhjetor në Brazil, kur Rosemere do Nascimento Silva vendosi t’i bëjë një surprizë burrit të saj, duke shkuar me helikopter drejt altarit.

Por, helikopteri u rrëzua fatalisht vetëm pak milje larg vendit ku ishte përgatitur ceremonia martesore dhe nusja humbi jetën.

Bashkë me të, në helikopter ishin edhe vëllai i saj, fotografja dhe piloti, të cilët humbën jetën nga rrëzimi.

Në videon e publikuar ditën e djeshme, shfaqet nusja e buzëqeshur dhe e lumtur në ditën e saj më të bukur, por që u shndërrua në një tragjedi.

Sipas ekspertëve, nga videoja dyshohet se një gabim i pilotit në momentet e fundit të fluturimit, ka shkaktuar aksidentin tragjik.

Comments

comments