“Vaj halli” për Jankullovskën, edhe sot fshehtas në gjykatë (FOTO)

Ish ministrja e Punëve të Brendshme, Gordana Jankullovska, sot në mëngjes është paraqitur në Gjykatën Penale, në pajtueshmëri me masën për kujdes që ia ka shqiptuar gjykata, pasi që e njëjta është e akuzuar dhe duhet të paraqitet një herë në javë.

Jankullovska është e akuzuar në lëndët “Target – Fortesa” dhe “Titanik” të Prokurorisë Speciale Publike. Ajo akuzohet për përgjimin masiv në Maqedonisë dhe për shoqërim kriminal në mashtrimet zgjedhore.

Është ende herët për të llogaritur dënimet maksimale me burgu që mund të merren nga të pandehurit në rastin ‘Fortesa’, ekspertët ligjorë heksojnë se për momentin ka shumë qëndrime dhe kualifikime, si dhe forma më të rënda dhe më të lehta për të qenë në gjendje të parashikojnë shifrën përfundimtare. Por ata theksojnë se në këtë rast mund të bëhet llogaritja e përafërt dhe të krijohet një pamje e përafërt nëse dënimet maksimale të parashikuara për të gjitha akuzat grumbullohen nga secili i pandehur veç e veç, përcjell Almakos.

Ekspertët dhe avokatët , zbulojnë se ekziston një lloj ekuacioni ligjor përmes të cilit mund të zbulohet faktor i panjohuri “X”, dhe siç thonë ata, e vetmja mënyrë për të llogaritur dënimet maksimale për të pandehurit, duke mos marrë parasysh rrethanat lehtësuese që mund të ndikojnë në zvogëlimin e dënimit janë nëse të gjitha akuzat për secilin të pandehur mblidhen veçmas, domethënë, të mbledhin shifrat që tregohen në Kodin Penal si dënimet maksimale për aktin e kryer.

Pra, siç thonë ekspertët, nëse një i pandehur akuzohet me tre akuza, për shembull, parashikojnë dënime maksimale prej 3, 4 dhe 5 vjetësh, dënimi minimal duhet të jetë më i madh se dënimi maksimal (në këtë rast 5 vjet), megjithatë, dënimi maksimal duhet të jetë më i ulët se shuma totale e dënimeve të parashikuara, dhe në këtë rast do jetë 12 vjet.

Prokurorja speciale publike Katica Janeva pret dënime më të rrepta, propozimi për ndarjen ishte theksuar nga ana e Prokurorisë Publike, me ç’rast ishte marrë parasysh interesi i personit të akuzuar për përfundimin më të shpejtë të procedurës, si dhe ekonomizimin dhe efikasitetin e procedurës”, theksuan nga PSP.

Në lëndën e përmendur “Target – Fortesa” janë të akuzuar ish shefi i Drejtorisë së Pestë në MPB Goran Grujevski dhe i punësuari në DSK Nikolla Boshkovskit, të cilët janë në paraburgim në Greqi, dhe ish-ministrja e Punëve të Brendshme Gordana Jankullovska, ish drejtori i DSK-së, Sasho Mijallkov dhe shefi i Kabinetit të Mijalkovit, Toni Jakimovski.

Nga Gjykata Penale Shkup informojnë se seanca për “Target-Fortesa” është caktuar për më 17 janar të vitit 2018./Almakos

Comments

comments