1 vit luftë në Ukrainë, Zelenski: Viti 2023 do të jetë viti i fitores

Iliria News Agency
Iliria News Agency

24/02/2023

Ukraina shënon sot përvjetorin e parë të luftës ruse, një moment i errët në historinë moderne të Evropës dhe botës. Në një videomesazh, presidenti Zelenski e cilësoi këtë si një vit dhimbje, por siguroi qytetarët se 2023 do të jetë viti i fitores.

Shprehje solidariteti për qëndresën e ukrainasve pati nga e gjithë bota. Presidenti Volodymyr Zelensky u zotua të shtyjë përpara fitoren e Ukrainës gjatë vitit 2023, teksa ai dhe i gjithë populli shënojnë 1-vjetorin e nisjes së luftës ruse.

Në një mesazh të zymtë, por njëkohësisht shpresëdhënës dhe sfidues, ai e cilësoi këtë si një vit dhimbjeje, por siguroi qytetarët e vet, se 2023 do të jetë viti i fitores.

Në videomesazhin e quajtur “Viti i pathyeshmërisë” dhe të shoqëruar me imazhe të luftës njëvjeçare, 45-vjeçari shfaqet i ulur në një tryezë, teksa rikujton ditën që ndryshoi Ukrainën dhe botën përgjithmonë.

“Një vit më parë, nga i njëjti vend rreth orës 7 të mëngjesit, iu drejtova me një fjalim të shkurtër që zgjati vetëm 67 sekonda. Ne do të mundim të gjitha kërcënimet, bombardimet; raketat, dronët kamikazë; ndërprerjet e energjisë; të ftohtin. Ne jemi më të fortë. Ky ishte një vit qëndrese, një vit dhimbjeje, shprese, një vit guximi, uniteti dhe pathyeshmërie. Përfundimi ishte se ne mbijetuam. Ne nuk u mundëm dhe do të bëjmë gjithçka për ta fituar këtë vit”, u shpreh presidenti.

Ceremoni përkujtimore me ndezje qirinjsh dhe aktivitete të tjera në homazh të mijëra viktimave. Sipas të dhënave të fundit të OKB-së, mbi 8 mijë civilë janë vrarë e të paktën 32 mijë të tjerë janë plagosur, por bilanci real besohet të jetë shumë herë më i lartë.

Ndërsa mbi 100 mijë vetë vlerësohet të jenë vrarë ose plagosur në radhët e ushtrisë nga të dyja kahet. Ushtria e Kievit ka paralajmëruar për sulme të mundshme ajrore me rastin e 1-vjetorit të luftës.
Edhe pse sirenat e alarmit nuk u dëgjuan gjatë natës në Kiev, autoritetet rekomanduan që mësimi të zhvillohet online dhe puna të kryhet nga shtëpia.

Homazhe për qëndresën e Ukrainës erdhën edhe nga përtej kufijve. Kulla Eiffel në Paris e po ashtu institucionet europiane në Bruksel u ndriçuan me ngjyrat e flamurit të Ukrainës. Shfaqje solidariteti pati edhe në qytete të tjera rreth botës.

TË FUNDIT

ME TE LEXUARA

LEXO MË SHUMË

IMG_1059

Reagimet nga SHBA, Franca, Britania dhe Egjipti

raketa

Izraeli: Do përgjigjemi ndaj çdo shteti që lejon kalimin e dronëve nga Irani

IMG_1058

Irani thotë se ka përfunduar me sulmin ndaj Izraelit, i kërkon SHBA-së të “qëndrojë larg”

An Ukrainian national flag flag waves over the center of Kharkiv, Ukraine's second-largest city, Friday, Feb. 4, 2022. The situation in Kharkiv, just 40 kilometers (25 miles) from some of the tens of thousands of Russian troops massed at the border of Ukraine, feels particularly perilous. (AP Photo/Evgeniy Maloletka)

Parlamenti i Ukrainës miraton ligjin e ri për mobilizimin ushtarak! Rregullore e ashpër për burrat, ja çfarë parashikohet

Biden

Biden premton mbështetje ‘të hekurt’ për Izraelin mes frikës së sulmit nga Irani

anije1

Tre armiqtë historik bëhen bashkë kundër Kinës në Paqësor

Biden

Biden: Netanyahu bën një gabim në Gaza

ari-stoli

Ari arrin çmim rekord

donaldtrump

“Zelensky të heq dorë nga territoret”- Plani i Trump për t’i dhënë fund luftës

INFO

NA NDIQ