Maqedonia e Veriut kërkoi dhe mori një kredi të re nga Bashkimi Evropian, konkretisht nga instrumenti i saj MFP – mbështetje makro financiare.
Sipas Qeverisë, propozimi i ligjit për tërheqjen e këtij borxhi është dorëzuar në Kuvend, me procedurë të shkurtuar, përcjell INA.
Vlera totale e huasë në formë kredie është 100 milionë euro. Ajo do të tërhiqet në dy këste, në vlerën 50 milionë euro, në një periudhë 2 vjeçare. Norma e interesit ende nuk është përcaktuar.
Ligji thotë se kjo kredi do të ndihmojë në tejkalimin e situatës së shkaktuar nga lufta në Ukrainë dhe kriza energjetike, e cila shkaktoi rritje të çmimeve të produkteve.
Kreditë MFP si ndihma emergjente janë menduar për vendet që janë gjeografikisht, ekonomikisht dhe politikisht afër BE-së, duke përfshirë vendet kandidate, kandidatët potencialë për anëtarësim në BE, si dhe vendet në kufi me BE-në.
Në vitin 2020 dhe 2021, Maqedonia e Veriut përdori 160 milionë euro MFP nga BE-ja për t’u marrë me pasojat ekonomike të shkaktuara nga Covid-19. (INA)
