Njëmbëdhjetë persona humbën jetën dhe 24 të tjerë u plagosën kur një autobus pasagjerësh u përplas me një urë në lagjen Polatli, rrethi i Ankarasë, njoftuan mediat turke.
Autobusi goditi një kolonë nën urë rreth orës 5:00 të mëngjesit me orën lokale, në drejtim të Eskişehirit.
Në vendin e aksidentit kanë mbërritur zjarrfikëset, ekipet mjekësore dhe ato të shpëtimit.
Guvernatori i rajonit të Ankarasë, Vasip Şahin, tha se informacionet fillestare tregonin se shoferin e kishte zënë gjumi pasi nuk kishte asnjë tregues se ai kishte tentuar të frenonte.(INA)
