Një 19 vjeçar, nga pakujdesia, dyshohet se ka vrarë veten me armën e babait të tij, i cili është zyrtar policor. Në njoftimin e policisë shkruan se dyshohet se viktimës së rastit, në banesën e tij, gjatë manipulimit me armë zjarri, ajo edhe i ka shkrepur.
Policia ka thënë se në vendin e ngjarjes është gjetur dhe sekuestruar një armë zjarri. Ndërkohë, lidhur me këtë rast janë njoftuar Prokurori i Shtetit dhe Inspektorati Policor të cilët kanë dalë në vendin e ngjarjes.
Policia sqaroi se rasti ka ndodhur në Suharekë, në Rrugën “Brigada 123’, ku në banesën e tij, në ndërtesën e “Euro Ing” është gjetur një person me lëndime ne koke të shkaktuara nga përdorimi i armës se zjarrit .
Dyshohet se viktima i rastit E.K. ( 2004) ,ne banesën e tij ,gjatë manipulimit me armë zjarri, e njëjta i ka shkrepur dhe për pasojë i janë shkaktuar lëndime trupore të natyrës së rëndë.
“Viktima nga ana ekipit te urgjencës është transportuar për ndihmë mjekësore ne Spitalin Rajonal te Prizrenit , ku nga ana e mjekut kujdestar është konfirmuar vdekja e tij”, deklaron policia.
Policia sqaron se dyshohet se arma e zjarrit i përket zyrtarit policor që është edhe prind i viktimës, por në atë kohë, i njëjti gjendej jashtë detyrës zyrtare.