Në Maqedoninë e Veriut gjatë vitit të kaluar janë konfiskuar 2,4 ton drogë në vlerë të përgjithshme prej rreth gjashtë milionë euro, njoftoi ministri i Punëve të Brendshme, Oliver Spasovski, mbrëmë në një intervistë për TV Plus.
“Vitin e kaluar kemi sekuestruar 2.4 ton drogë me vlerë totale rreth gjashtë milionë euro. Pjesa më e madhe e kapjeve janë marihuanë, por kemi edhe hashash, kemi edhe kokainë, ka edhe heroinë, amfetamina dhe rreth 20 tonë prekursorë për prodhimin e drogave sintetike. 2.5 muaj më parë asgjësuam sasinë më të madhe të drogës nga vitet 1990 e deri më sot, rreth 10.3 ton lëndë narkotike. Në të njëjtën kohë kemi parandaluar disa transporte ndërkombëtare të drogës përmes kanaleve ndërkombëtare që kalojnë nëpër vendin tonë. E gjithë kjo mbetet prioritet në periudhën e ardhshme që këto struktura kriminale që merren me lloje të ndryshme të kriminelëve të dalin para drejtësisë”, theksoi ministri Spasovski.
Ai nënvizoi se lufta kundër trafikut të drogës dhe armëve do të jetë një nga prioritetet kryesore edhe këtë vit.(INA)
