Sektori për Punë të Brendshme ka njoftuar se ka ngritur kallëzim penal kundër një 28-vjeçari me iniciale B.M. nga Tetova, pasi i njëjti dyshohet se ka kryer veprën penale “mashtrim dhe veprime të tjera ndaj të të miturit i cili nuk ka mbushur 14-vjeç” dhe “dëmtim dhe hyrje në mënyrë të paautorizuar në sistem kompjuterik”, transmeton TV21.
“Më datë 08:01:2023 i denoncuari, duke shfrytëzuar rrjetet sociale, ka filluar komunikimin me një të mitur (vajzë), ku rrejshëm është prezantuar se ka 15 vjeç, kurse më datë 27.01.2023 ka kërkuar që të takohet”, qëndron mes tjerash në njoftimin e Ministrisë së Punëve të Brendshme.
