Të dhënat e Organizatës Botërore të Shëndetësisë tregojnë se Maqedonia e Veriut ka një shkallë të lartë të duhanpirjes: mbi 46% e meshkujve të rritur dhe 27% e femrave të rritura konsumojnë duhan ose produkte që përmbajnë nikotinë.
Me rastin e Ditës Botërore “Pa Duhan”, Akim Ali, përfaqësues i OBSH-së, alarmoi për pasojat e rënda të kësaj dukurie, duke theksuar se gjatë një viti në Maqedoninë e Veriut humbin jetën më shumë se 4 mijë persona për shkak të konsumimit të duhanit.
“Kjo nuk është e pashmangshme. Është e shmangshme dhe e parandalueshme. Nëse nuk veprojmë, shteti përballet me ulje të popullsisë dhe pasoja serioze për rritjen ekonomike dhe produktivitetin,” tha Akim Ali.
