Shumica e Këshillit të komunës së Strugës nuk i ka dhënë mbështetje deklaratës së Aleancës për Shqiptarët që ky organ i lartë komunal të distancohet nga kryetari i komunës së Strugës, Ramiz Merko, i cili u përfshi në Listën e Zezë Amerikane.
Këshilltarët e BDI-së dhe LSDM që përbëjnë shumicën nuk e votuan deklaratën e ASH-së, dhe më pas ky vendim i tyre bëri që këshilltarët e ASH-së, VMRO-DPMNE dhe Lëvizjes BESA të braktisin seancën.
Përmes kësaj Deklarate u kërkua që të konstatohet se qytetarët e Komunës së Strugës nëpërmjet përfaqësuesve të tyre politik nuk janë në përshirë në Korrupcion madhor, keqpërdorim të fondeve publike, ndërhyrje ne procese gjyqësore dhe të tjera publike, si dhe dëmtim të besimit të opinionit në institucione dhe zyrtarët demokratik në vend, motivacione këto me të cilat Kryetari i Komunës së Strugës Ramis(z) Merko është shpallur PERSONA NON GRATA nga Departamenti i Shtetit të SHBA, partneri strategjik i RMV.
Deklarata do t ‘u përcillet të gjitha institucioneve përkatëse të zbatimit të ligjit në vend, si dhe Ambasadës së Shteteve të Bashkuara, Britanisë së Madhe dhe misionit të BE-së. (INA)
