Kumrije Kryeziu, 74 vjeçare nga fshati Sllovi i komunës së Lipjanit, ka qenë pjesë e emisionit të radhës ‘’Za me Kaltërinen’’, i cili transmetohet çdo të shtunë, prej orës 21:10 në Televizionin 7.
Përgjatë vizitës në shtëpinë e saj, ajo ka rrëfyer se si ka ndodhur të mbesë krejtësisht e vetme, si ia del të kryejë obligimet ditore e të kujdeset për veten, përkundër faktit që kohë pas kohe ndihmohet nga familjarë të largët, qoftë me ushqime e gjësende tjera. Ndonëse ka mbetur e vetme, meqë burri i ka vdekur e fëmijë nuk ka, ajo thotë se ka vendosur të qëndrojë në shtëpinë e vet deri në fund të jetës, kështu duke refuzuar si opsion shkuarjen në ndonjë Shtëpi Pleqësh.
