Ministria e Punëve të Brendshme dje në periudhën nga ora 11:00 deri në orën 17:00 ka kryer kontrolle në komunikacion në territorin e vendit.
Sipas raportit, 820 drejtues të makinave janë gjobitur për tejkalim të shpejtësisë.
54 automjete kanë lëvizur me shpejtësi mbi 50 kilometra në orë më shumë se shpejtësia e lejuar dhe 12 automjete me shpejtësi edhe më shumë se 70 kilometra në orë. Në të njëjtën kohë, 476 drejtues mjetesh kanë tejkaluar shpejtësinë në qytet dhe 344 jashtë qytetit.
Kontrollet e qarkullimit rrugor do të vazhdojnë edhe në ditët në vijim, thotë MPB-ja dhe apelon që të respektohen rregullat dhe rregulloret e qarkullimit për rrugë më të sigurta. (INA)