Minus nëntë gradë janë matur mëngjesin e sotëm në orën shtatë në Kodrën e Diellit, ku ka një shtresë dëbore prej 11 centimetra. Katër gradë pas zeros janë regjistruar në Mavrovë dhe Krushevë, -3 në Lazaropolë, -2 në Berovë, Pretor dhe Dibër, -1 në Ohër, 0 në Manastir, Prilep, Kriva Pallankë, Strumicë, 2 në Tetovë, Vinicë, Kumanovë, 3 në Shkup-Petrovec, Shkup-Zajçev Rid, Shtip, Demir Kapi dhe 6 në Gjevgjeli dhe Dojran.
Siç njoftoi Drejtoria për Punë Hidrometeorologjike (DPHM), gjatë gjithë natës dhe mëngjesit të sotëm do të mbizotërojë mot i vranët, përveç në pjesët jugperëndimore dhe skajet juglindore, ku mëngjesi i sotëm është me diell dhe vranësira të vogla. Fryn erë e lehtë deri në mesatare kryesisht nga drejtimi veriperëndimor.
Moti sot do të jetë me vranësira të ndryshueshme dhe i ftohtë me periudha me diell. Do të fryjë erë e dobët deri në mesatare nga drejtimi veriperëndimor, më e theksuar përgjatë Vardarit. Temperatura maksimale do të lëvizë nga 3 deri në 10 gradë Celsius.
