Historia përsëritet, ose më mirë, drejtësia maqedonase e përjetoi së fundmi dezhavu.
Thujase u rishfaq fundi i vitit 2018, kur nga paraburgimi “Shutka” për Vitin e Ri dolën çifti dikur më i fuqishëm i biznesit Sasho Mijalkov dhe Orce Kamçev.
Atëherë i pari u gëzua Kamçevi dhe pas vetëm dy ditësh, më 29 dhjetor, qelia iu hap Mijallkovit, shruan revista Fokus, përcjell agjencia e lajmeve INA.
Tani, tre vjet më vonë, fati i buzëqeshi fillimisht Mijallkovit, i cili u lirua sërish në natën më të çmendur dhe Kamçevi iu shmang paraburgimit. Gjatë asaj periudhe ai ka qëndruar në Sistina dhe një ditë para Krishtlindjes ka shkuar edhe në shtëpi.
Dalja e dy refugjatëve të mundshëm është bërë e mundur nga gjyqtarët e Apelit, të cilët kanë matur se garancitë, të vlerësuara në 11 milionë euro secila, do t’i mbajnë milionerët në shtëpi, pra nuk do të shpëtojnë. Ose çfarë do të thoshin kumanovanër: “Rreziko fort o shpirt i dashur, sa mund të shpëtosh”.
Kush do të shpëtojë dhe kush do ta hajë shkopin mbetet për t’u parë, por ajo që mund të diskutohet tani është se sa të pastra dhe reale janë garancitë e dy pushtetarëve, pra nëse në rast arratisjeje shteti mund të përfitonte realisht apo do të ishte mbetur me xhepa bosh, si në rastin e konfiskimit të pasuksesshëm të pasurisë së biznesmenit Sead Koçan?!/Fokus