Me largimin e Arben Taravarit nga qeveria, postet vakante në eshalonin e parë të qeverisë ende nuk janë plotësuar, përcjell TV21. Pas emërimit të Azir Aliut për ministër të Shëndetësisë dhe Albrim Hoxhës për zv/ministër të Bujqësisë, mbetet i zbrazët pozita e zv/ministrit të Mbrojtjes, post ky të cilin e ushtronte Elfete Ismaili nga ASH-Taravari. I pyetur nëse PDSH-ja e Menduh Thaçit do të bëhet pjesë e shumicës parlamentare, në këmbim të këtë posti, kyeministri Mickoskit thotë:
“Nuk do të mund të thosha, për shkak se asgjë nuk është sigurt, asgjë nuk është përfundimtare. Kur do të jetë përfundimtare, mediumet dhe publiku do të informohen”, tha shkurt Mickoski.
