Shkruan: Bahri Cani
Në janar të vitit 2025 futet në fuqi reforma e sistemit të pagesave të shtesave për fëmijë – Kindergeld, që shumëkush e ka cilësuar si heqje të këtyre shtesave. Shtesat bazë për fëmijë nuk do të hiqen por do të ndryshojë sistemi i pagesave dhe emrat. Kindergeld në të ardhmen quhet Kindergarantibetrag, që paguhet në kuadër të Kindergrunsicherung.
Paratë bazë për fëmijë do t’i marrin të gjithë fëmijët dhe të rinjtë. Tani ato janë 250 euro në muaj, nga fillimi i vitit 2025 do të rriten në 255 Euro, ndërsa nga viti 2026 në 259 Euro.
Këto ndihma i marrin të gjithë fëmijët dhe të rinjtë deri në 25 vjeç…
Ndërsa nga janari ekzistojnë edhe mundësi të tjera për ndihma për fëmijë, që për fëmijët e moshës 0-5 vjet më së shumti mund të shkojnë deri në 530 Euro, për fëmijët e moshës 6 deri në 13 vjet mund të paguhen më së shumti deri në 555 euro, ndërsa për fëmijët prej 14 deri në 17 vjet më së shumti mund të paguhen deri në 636 euro. Pas moshës 18 vjeç paguhen vetëm shtesat bazë prej 255 euro.
Në ditët në vijim do t’ju njoftoj edhe me të gjitha detajet e tjera për mënyrën e aplikimit dhe pagesat… Pra edhe njëherë, shtesat nuk hiqen por bëhet reforma e sistemit të pagesave. Ato do të rriten madje…
