Qytetarët komentojnë vendimin e fundit të Departamentit Amerikan të Shtetit. Thonë se ka ardhur koha që shteti të pastrohet nga njerëzit e përfshirë në korrupsion dhe kriminalitet.
Sipas tyre, Artan Grubi nuk ka vepruar vetëm, por është ndihmuar nga dikush tjetër.
“Punë pozitive, çfarë të mendoj tjetër…Amerikanët i kanë vendosur në listë, por prokurorët tanë dhe gjyqi nuk punon asgjë”, tha një qytetar.
“A i kanë shti, udha mbarë i qoftë….. Ti pastrojnë krejt, të rrimë rahat”, u shpreh një qytetar tjetër.
“Unë mendojë se është pozitive në dobi të shtetit edhe popullit. Pra, një herë e përgjithmonë duhet të pastrohemi nga këta njerëz që janë të kriminalizuar skajshëmrisht, pa marrë parasysh se nga vjen, nga ndonjë parti apo nga ndonjë grup interesi. Unë mendoj se është mirë kjo që u bë, jo vetëm për ato, unë mendoj se ende ka njerëz që janë të përlyer në atë mënyrë të kriminalitetit”, theksoi një qytetar.
“Në korrupsion janë të gjithë të përfshirë, jo vetëm ato. Kush është kryetar i Qeverisë, ai është në korrupsion, Artan Grubi ishte njeri i vogël atje”, tha një qytetar.
“Dobët kuptoj nga politika, por kjo nuk është shumë mirë”, u shpreh një qytetar./ Alsat.mk
