Ish-banori i edicionit të dytë të “Big Brother VIP”, Ronaldo Sharka, kë bërë së fundmi një bashkëbisedim virtual me ndjekësit e tij në “Instagram”.
Teksa fansat kishin mundësi që t’i bënin pyetje të ndryshme, duket se ata janë fokusuar më shumë në lidhje me ish-banorët e tjerë të shtëpisë më të famshme në Shqipëri.
Pasi e pyetën se çfarë marrëdhënie k poa me fituesin e “Big Brother VIP 2”, dikush tjetër ka pasur kuriozitet të dijë nëse i ka marrë 5 mijë euroshin që i premtoi Luizi.
“Ta dha 5 mijë euroshin ai biondi?”, e ka pyetur ndjekësi.
“Unë nuk kam kërkuar ndonjëherë lekë dikujt për lëmoshë. Unë kam kërkuar vetëm punë deri më sot. Nuk i dua ato lekë”, i është përgjigjur moderatori i njohur, duke e shoqëruar edhe me një emoji zemër.
Kujtojmë se Luizi bëri një postim në “Instastory” ku i thoshte Ronaldos ‘hajde merri lekët, se do ngelësh pa punë”. Ky reagim i këngëtarit të dashur për publikun erdhi pasi Sharka komentoi Kiara Titon si moderatore të “Kepit të VIP”-ave.
