Nënkryetari i BDI-së, Arbër Ademi, ka reaguar ndaj një emri që mandatari Hristijan Mickoski e përmendi gjatë shpalosjes së propozimeve për ministra në Qeverinë e ardhshme OBRM-PDUKM, VLEN dhe ZANM.
Mickoski njoftoi emrat e përbërjes së re qeveritare
Lexo po ashtu
Mickoski njoftoi emrat e përbërjes së re qeveritare
“Marrëveshja e Ohrit për herë të parë pas vitit 2001 në dorë të një serbi me bindje putiniste! Ndryshimi sapo filloi!”, ka shkruar Ademi në Facebook.
Emri që do të propozohet për të qenë ministër që do të drejtojë Ministrinë për Marrëdhënie mes Bashkësive është Ivan Stoillkoviq. Këtë Ministri deri më tani e ka udhëhequr Artan Grubi.
Ivan Stoillkoviq është kryetar i Partisë Demokratike të Serbëve, pjesë e koalicionit me OBRM-PDUKM-në, ndërsa mandatari Mickoski gjatë prezantimit tha se do të jetë edhe një prej zëvendëskryeministrave në Qeveri.
