Këtyre ditëve janë duke u zhvilluar bisedime intensive për përfshirjen e Aleancës për Shqiptarët në Qeveri.
Ajo që përflitet në media është se Aleancës po i ofrohet edhe Ministria e Shëndetësisë.
Por siç mësohet, tek Alternativa dhe kreu i saj Afrim Gashi ka gatishmëri për kompromis për këtë dikaster.
Por, ky kompromis nuk nënkupton edhe lëshimin e resorit të shëndetësisë.
Jozyrtarisht merret vesh që nëse kryeministri Kovaçevski është i pakënaqur nga puna e ministrit Bekim Sali, atëherë Alternativa do të mund të pajtohet me ndërrimin e tij, dhe në vend të tij, të propozohet deputeti dhe profesorii i fakultetit të mjekësisë, Hysni Ismaili.
Por ditëve në vijim do të qartësohet kjo situatë rreth koalicionimeve dhe se AAA a do të mbajë ministrinë e shëndetësisë, apo do ti kaloj ASH nëse ka marrëveshje për koalicionim.(INA)
