Kryetari i partisë Alternativa, Afrim Gashi ka njoftuar se ka marrë pjesë në “Takimin e madh të Rumelisë” ku ka qenë i ftuar nga presidenti i Turqisë, Rexhep Taip Erdogan. Gashi ka thënë se edhe njëherë ka shprehur mbështetjen dhe mirënjohjen për bashëpunimin e deritanishëm mes Turqëisë dhe shqiptarëve në shtetin tonë dhe në Ballkan.
“Sot, në Stamboll, kisha nderin të marr pjesë në “Takimin e madh të Rumelisë”, me liderë politikë të Ballkanit, që u organizua nën patronazhin e Presidentit Rexhep Taip Erdogan.
Në këtë mënyrë edhe njëherë shpreha mbështetjen dhe mirënjohjen time, të Alternativës dhe të shqiptarëve për bashkëpunimin e deritanishëm mes Turqisë dhe shqiptarëve në Ballkan, por edhe me shtetin tone”, ka shkruar Gashi.
Kujtopjmë se kreu i Alternativës, edhe javën e kaluar ishte i ftuar të merr pjesë në hapjen e xhamisë Barbaros Hajredin Pasha në Stamboll, duke e prerë shiritin bashkë me Presidentin e Turqisë, Rexhep Taip Erdogan, Kryetarin e Kuvendit të Madh Turk, Mustafa Shentop dhe miq të tjerë turq e të vendeve të tjera të rajonit.(INA)
