Ambasadorja amerikane në Shkup, Angela Aggeler ka komentuar debatet për propozim-ligjin për amnisti.
Ajo ka kërkuar nga liderët e shtetëror që t’u sqarojnë qytetarëve pse e miratojnë Ligjin për amnisti, përcjell INA.
E pyetur se çfarë mendon SHBA për këtë ligj, i cili ndodhet në procedurë kuvendare, ajo tha se procesi duhet të kalojë me transparencë dhe qytetarët duhet ta dijnë se çfarë ndodh dhe pse miratohet ky ligj.
“Qytetarët e vendit duhet të kuptojnë se çfarë po ndodh dhe pse po ndodh dhe që liderët e tyre të zgjedhur t’u komunikojnë atyre pse është e rëndësishme. Ky nuk është ligji i parë i amnistisë, sigurisht që nuk do të jetë i fundit dhe ne po e ndjekim nga afër procesin për të parë rezultatin përfundimtar”, tha Ageler.
Ajo shtoi se SHBA nga afër e ndjek këtë proces.
Ajo komentoi edhe ndryshimet kushtetuese që duhet të miratohen për nisjen e negociatave me BE-në. Sipas saj, është e rëndësishme që Maqedonia e Veriut të jetë pjesë e BE-së, për shkak të së ardhmes së gjeneratave të reja.(INA)
