Kryeministri Dimitar Kovaçevski sot pasdite do të pret në takim Sekretarin e Përgjithshëm të NATO-s, Jens Stoltenberg, i cili ndodhet në një vizitë zyrtare në Republikën e Maqedonisë së Veriut, që është vizita e parë që kur vendi është anëtar i plotfuqishëm i NATO-s.
Sipas agjendës për vizitën zyrtare të Sekretarit të Përgjithshëm të NATO-s, Stoltenberg, menjëherë pas ceremonisë së pritjes është paraparë takim kokë më kokë me Kryeministrin Kovaçevski, pas së cilës do të vijojë takimi bilateral i dy delegacioneve.
Në përbërje të delegacionit do të jenë ministrja e Mbrojtjes, Sllavjanka Petrovska, ministri i Punëve të Jashtme, Bujar Osmani, ministri i Shoqërisë Informative dhe Administratës, Azir Aliu dhe ambasadori i Maqedonisë së Veriut në NATO, Dane Taleski.
Kryeministri Kovaçevski dhe Sekretari i Përgjithshëm i NATO-s, Stoltenberg, në orën 16:30 do të mbajnë konferencë të përbashkët për shtyp në Qendrën e Medias të Qeverisë.(INA)
