“Një çerek shekulli nga përjetësia e familjes Jashari në altarin e lirisë, një sakrificë e pashembullt e devotshmërisë, atdhedashurisë, trimërisë dhe lavdisë”, ka shkruar kryetari i BDI-së, Ali Ahmeti në 25 vjetorin e rënies së komandantit legjendarë, Adem Jashari.
Sipas tij, Jasharajtë vulosën pavarësinë e Kosovës dhe përpjekjet disadekadëshe.
“Lavdi e përjetshme familjes Jashari dhe dëshmorëve e martirëve të kombit! Jasharajtë vulosën pavarësinë e Kosovës dhe përpjekjet disadekadëshe të gjeneratave të tëra të veprimtarëve, patriotëve, luftëtarëve e dëshmorëve për liri, demokraci, drejtësi e pavarësi”, ka shkruar Ahmeti.(INA)
