Ahmeti: Lavdi veprës së Jusuf dhe Bardhosh Gërvallës e Kadri Zekës

Kryetari i Bashkimit Demokratik për Integrim, Ali Ahmeti me rastin e përvjetorit të 39 të rënies së veprimtarëve Jusuf dhe Bardhosh Gërvalla e Kadri Zeka përmes një shkrimi në faqen e tij zyrtare në facebook ka shkruar se çdo rënie në rrugën e shenjtë të lirisë aso kohe na rriste përkushtimin edhe më tepër dhe na shtonte radhët edhe më shumë si dhe çelikoste idealin.

Sipas Ahmetit rrugën që kishin nisur Jusuf dhe Bardhosh Gërvalla e Kadri Zeka bashkë me veprimtarë të tjerë nuk e ndalën sulmet tinëzare e të njëpasnjëshme sepse çdoherë ishim në rrugë të drejtë dhe BASHKË.

Ky është postimi i plotë i Ahmetit:

“Jusufi, Bardhoshi e Kadriu u vranë pabesisht 39 vjet më parë, por i dhanë jetë Lëvizjes, i dhanë frymë përpjekjeve për liri dhe për shtet. Ishte kohë kur çdo vrasje, çdo rënie në rrugën e shenjtë të lirisë na rriste përkushtimin edhe më tepër dhe na shtonte rradhët edhe më shumë si dhe çelikoste idealin. Nuk na ndalnin sulmet tinzare të njëpasnjëhme dhe ia dolëm sepse ishim në rrugë të drejtë, bashkë! Lavdi jetës dhe veprës së Jusuf dhe Bardhosh Gërvallës dhe Kadri Zekës.”