Kryetari i BDI-së, Ali Ahmeti bashkë me bashkëluftëtarë, familjarë të dëshmorëve dhe përfaqësues të shoqatave kanë përkujtuar sot 21 vjetorin e krismave të para të UÇK-së në Kalanë e Tetovës.
“Nuk ka histori kombëtare të këtij vendi pa Ushtrinë Çlirimtare Kombëtare, është çështje ditësh është çështje kohësh, se kurrë ajo do të pasqyrohet dhe do të shkruhet, sepse ky vend i ka disa shtylla pa të cilat nuk mund të qëndroj në këmbë. Fillet janë me Republikën e Krushevës, është Lufta Nacionale Çlirimtare, është Pavarësia dhe është ndryshimi i kushtetutës, që është kapaku i historisë së këtij vendi. Dhe nuk ka histori pa Ushtrinë Çlirimtare Kombëtare, dhe nuk ka histori pa marrëveshjen paqësore të Ohrit, cilën do nga këto shtylla që t’ja rrënon, bjen kështjella. Këto janë shtylla që e mbajnë në këmb stabilitetin dhe të ardhmen e këtij vendi. Ne duhet të jemi shumë të organizuar janë bërë shumë pune, por kemi shumë punë përpara për të bërë”, theksoi Ahmeti. (INA)
