Pa marrë parasysh kritikave mbi funksionimin e partisë, “Grupi i zjarrit” nuk përjashtohet nga BDI, këtë e tha sot kryetari i BDI-së, Ali Ahmeti. Ahmeti tha se qaja e tyre është e gabuar kur e paraqesin Ahmetin si Kim Jong-un, por që ata mbeten shokë dhe bashkëpunëtorë të tij.
“Jo, nga BDI-ja kërkush nuk është përjashtuar deri më tani. Këta janë shokë të mi, bashkëpunëtorë të mi, e kanë shumë gabim qasjen, analizat që i bëjnë, do të thotë unë jam Kim Jong-un si e ka emrin ky i Koresë së Veriut. BDI është, unë mendoj një nga partitë më demokratike, më e hapura në këto hapësira dhe akoma më shumë do të punojmë që të jemi sa ma transparent sa ma llogaridhënës, kështu që nuk ka të bëjë kjo me diktaturën”, deklaroi Ahmeti.
