Kryetari i BDI-së, Ali Ahmeti në takimin në Gostivar ka theksuar se në takimin me rininë e këtij vendi i janë kujtuar vitet e tij të rinisë.
“Ato vite kur me shokë nuk na trembej syri nga torturat e burgosjet, donim me çdo kusht universitet në gjuhën shqipe, donim lirinë dhe barazinë.
Të qarta në mendje e zemër i kishim idealet dhe nuk hoqëm dorë deri në realizimin e plotë të tyre, shtruam rrugën që e rinia e sotme të jetojë me krenari dhe të ketë mundësi më të mëdha përparimi.
Atë shkëndijë guximi që kishim ne dikur përballë skepticizmit po e shoh në çdo takim me të rinjtë tanë sot, po e shoh idealin e tyre për të qenë pjesë e Europës së përparuar, vendosshmërinë për të çuar para proceset dhe për të instaluar vlera.
Me këtë energji rinore nuk kam dyshim se do ngadhënjejë ideali ynë properëndimor dhe e ardhmja europiane e vendit”, ka shkruar Ahmeti.(INA)
https://www.facebook.com/AliAhmetiOfficial/posts/719201842907274
