Kryetari i Bashkimit Demokratik për Integrim, Ali Ahmeti në Facebook ka shkruar për rastin e nxënëses me nevoja të veçanta, Ëmbla Ademi. Ai shkruan se është prekur nga diskriminimi që i është bërë, ndërkaq thekson se ka kërkuar nga institucionet përkatëse që të marrin të gjitha masat për kthimin e saj në shkollë.
“U ndjeva thellësisht i prekur nga rasti i Ëmblës së vogël në SH.F. “Bashkimi” në Gostivar dhe kërkova intervenimin e menjëhershëm të institucioneve kompetente në mbrojtje të të drejtave dhe rikthimit të vogëlushes në bankat shkollore pranë bashkëmoshatarëve të saj.Themelet e shoqërisë sonë do të qëndrojnë të shëndosha vetëm nëse udhëhiqemi nga virtytet e larta njerëzore të respektit dhe përkujdesit për njëri tjetrin”, ka shkruar Ahmeti
