Në një aksident trafiku që ka ndodhur 40 minuta pas mesnate në rrugën kryesore Tivar – Ulqin, kanë ndërruar jetë tre të rinj.
Sipas informacioneve të para nga mediat malazeze, në aksidentin fatal ka ndërruar jetë një vajzë e re B.B, 20 vjeçe nga Tivari dhe dy të rinj nga Ulqini me inicialet N.D. (18), M.D (21), përcjell INA.
Tre të tjerë po ashtu kanë përfunduar në spital me lëndime të rëndëa. Aksidenti ndodhi gjatë përplasjes së makinës Audi A3 me targa të Ulqinit në të cilën ishin të rinjtë nga Ulqini dhe makinës “Seat” me targa të Tivarit(Bar) që drejtohej nga 20 vjeçarja me inicialet B.B, që ndërroi jetë në vendin e ngjarjes.
Komunikacioni në atë pjesë të rrugës është mbyllur në të dy drejtimet deri në orën pesë. Rrethanat në të cilat ka ndodhur aksidenti i komunikacionit do të dihen pas rezultateve të hetimeve.(INA)
