Një person ka humbur jetën në aksidentin e rëndë trafiku, i cili ka ndodhur sonte në mes të një autobusi me targa të Berovës dhe një veture Opel Astra me targa të Probishtipit në autostradën e shpejtë Shtip-Koçan, në afërsi të kryqëzimit në lagjen periferike të Shtipit.
Sipas informacioneve fillestare nga zëdhënësja e SPB-Shtip, Gordana Panajotova, aksidenti ka ndodhur në ora 19:45.
Mjekët e Emergjencave kanë konstatuar se pasagjeri i veturës ka ndërruar jetë në vendin e aksidentit, ndërsa shoferi me lëndime është dërguar në Spitalin klinik të Shtipit.
Në autobus nuk ka pasagjerë të lënduar.
Hetimet nga policia dhe prokuroria publike janë duke vazhduar. Për momentin është e mbyllur për qarkullim autostrada Shtip-Koçan. (INA)
