Një aksident tragjik ka ndodhur në orët e para të mëngjesit në autostradën Tiranë-Durrës, ku një person ka humbur jetën dhe tre të tjerë janë plagosur.
Sipas informacioneve paraprake, rreth orës 05:05, djali 28 vjeçar Gëzim Muçaj, ka humbur kontrollin e automjetit dhe është përplasur me trafikndarësen.
Pasi ai dhe tre pasagjerët dolën nga makina, u goditën nga një tjetër automjet, i drejtuar nga shtetasi Ismail Laçe.
Si pasojë e përplasjes, G. M. humbi jetën në vend, ndërsa tre pasagjerët u dërguan me urgjencë në spital për trajtim mjekësor.
Drejtuesi i mjetit I. L. është shoqëruar nga policia për veprime të mëtejshme, ndërkohë që grupi hetimor po punon për zbardhjen e plotë të rrethanave të aksidentit. /noa.al
