Katër persona kanë mbetur të lënduar në një aksident trafiku që ka ndodhur në afërsi të liqenit të Tikveshit.
Sipas informacioneve fillestare nga MPB-ja, dy makina janë përplasur. Mes të plagosurve është edhe një fëmijë i mitur.
Të plagosurit janë dërguar në spital me autoambulancë. Sipas informacioneve fillestare, jozyrtare, dy persona janë rreth 30 vjeç dhe një rreth 50 vjeç. Disa prej tyre kanë lëndime më të rënda.
Grupi hetimor i Ministrisë së Brendshme ndodhet në vendngjarje për të përcaktuar se si ka ndodhur aksidenti.(INA)
