Një aksident i rëndë trafiku sot pasdite ka ndodhur në autostradën Shkup – Kumanovë, në afërsi të zonës së lirë ekonomike.
Në aksidentin ku ishin përfshirë dy makina ka pasur disa persona të plagosur, por të gjithë jashtë rrezikut të jetës. Aksidenti ka ndodhur mes dy makinave, Opel Corsa me targa të Bujanocit, si dhe Opel Astra me targa të Kumanovës.
Të plagosurit janë transportuar në spital për ndihmën e parë mjekësore, ndërsa policia ndodhet në vendngjarje dhe po kryen ekspertizën për të kuptuar dinamikën e aksidentit. Pritet që më vonë të ketë më shumë detaje për këtë aksident.