Sot gjatë orëve të mbrëmjes është aksidentuar makina zyrtare me të cilën po udhëtonin ministri i ekonomisë, Kreshnik Bekteshi dhe ministri i financave, Fatmir Besimi.
Siç mësohet pjesëmarrësit në këtë aksident kanë pësuar lëndime të lehta.
Lajmi është bërë i ditur nga ministri Besimi përmes një njoftimi në rrjetet sociale, përcjell INA.
“Sot vonë pasdite, vetura zyrtare me të cilën kam qenë duke udhëtuar bashke me ministrin e ekonomisë Kreshnik Bektsahi për në mbledhje pune në Qeveri ka qenë pjesëmarrëse në një aksident trafiku që ka ndodhur në udhëkryqin përballë Qeverisë.
Përveç dëmeve materiale në vetura, fatmirësisht nuk ka persona të lënduar rëndë. Pjesëmarrësit pësuan lëndime të lehta. Të lënduarve u uroj shërim sa më të shpejtë”, njoftoi ministri Besimi.(INA)
