Ministria e Brendshme informoi për një aksion të zhvilluar në një lokal nate në Zhelinë të Tetovës.
“Me datë 04.07.2024 nga ora 01:00 deri në ora 04:00, zyrtarët policorë nga SPB Tetovë kanë kryer kontrolle në një lokal nate në Zhelinë të Tetovës, me qëllim zbulimin e shtetasve të huaj me qëndrim të parregullt në zonë ose keqpërdorim të qëndrimit. Në këtë mënyrë u gjetën dhe u ndaluan 18 shtetase të huaja të moshës 24 deri në 26 vjeç: dy nga Serbia, shtatë nga Ukraina, 10 nga Shqipëria, si dhe një mashkull 46-vjeçar nga Shqipëria të cilët kanë qëndruar në zonë në kundërshtim me qëllimin, pra nuk kanë pasur dokumentacion përkatës”, theksoi MPB.
Të ndaluarit janë mbajtur në stacionin policor për procedim të mëtejshëm, pas së cilës do të vijojnë parashtresat përkatëse. (INA)
