Dhjetë persona janë arrestuar, një është ende në kërkim pas aksionit të djeshëm të policisë në Tetovë dhe Gostivar kundër një grupi të dyshuar për shfrytëzim seksual të të miturve dhe trafikim të fëmijëve.
Ministria e Punëve të Brendshme (MPB) ka konfirmuar se janë arrestuar tre gra dhe shtatë burra, ndërsa prokuroria nuk po jep më shumë detaje për momentin për të mos ndërhyrë në aktivitetet hetimore
Për krimet “Trafikim me fëmijë” dhe “Abuzim seksual i një personi të pambrojtur” parashikohen dënime me burgim së paku tetë vjet, ndërsa për veprën “Prodhimi dhe shpërndarja e pornografisë së fëmijëve” parashikohet dënim me burg nga tre deri në pesë vjet.
