Akuzë për Merkon i cili bleu “Audi” luksoze 67.000 euro derisa Komuna e Strugës e kishte llogarinë e bllokuar

ina-online
ina-online

01/03/2024

5 vite pasi e ka paraqitur lëndën Komisioni për Parandalimin e Korrupsionit, Prokuroria Publike për Krim të Organizuar dhe Korrupsion ka dorëzuar akuzë kundër kryetarit të Komunës së Strugës, Ramis Merko për keqpërdorim të detyrës zyrtare sipas nenit 353 paragrafi 3 nga Kodi Penal, njofton Portalb.mk.

Siç ka njoftuar sot shefi i kësaj Prokurorie, Islam Abazi në takim joformal me gazetarët, akuza është dorëzuar para tre ditësh në Gjykatën Penale të Shkupit.

Por, kjo iniciativë është dorëzuar në vitin 2019-të. Për 5 vite me radhë nuk dihet se çfarë ka ndodhur me këtë lëndë, ku kryetari Merko ka blerë veturë me llogari të bllokuar, derisa automjetet kundër zjarrit janë të vjetra mbi 50 vjet.

Në qershor të vitit të kaluar, Antikorrupsioni publikisht akuzoi Prokurorinë, gjykatat, Këshillin Gjyqësor, Qeverinë dhe MPB-në se e kanë mbrojtur me vite Merkon.

Audi luksoze me llogari të bllokuar

Antikorrupsioni në vitin 2019-të në iniciativë thekson se kryetari i Gjykatës Themelore Strugë, e ka rritur vlerën minimale të shfrytëzimit të mjeteve nga llogaria e bllokuar e komunës që Merko të mundet të shpenzojë më shumë para. Kështu, ai e ka blerë veturën “Audi”.

“Ankesa deri të Këshilli Gjyqësor ishte për shkak të dyshimit për ndikim politik ndaj gjykatësit i cili vepron ndaj kërkesës së borxhliut Komuna e Strugës për rritjen e vlerës minimale të shfrytëzimit të mjeteve për kryerjen e veprimtarisë themelore të Komunës. Pasi, për dy vendime me gjendje të njëjtë faktike, janë miratuar dy vendime të ndryshme”, tha Ivanoska.

Merko, para 4 vitesh në lidhje me blerjen e kësaj veture luksoze për “24 Analiza” tha se i nevojitet vetura sepse Struga është larg.

“Si do të vija unë sonte këtu nëse nuk do të kisha veturë… Shikoni, Struga është larg nga këtu 200 kilometra. Një e ardhur këtu janë 400 kilometra dhe a nuk është turp një kryetar Komunë të ri rrugëve?”, tha Merko.

Në pyetjen pse jo “Shkoda”, por “Audi”, Merko u përgjigj:

“Për shkak se Shkoda shkon me shpejtësi më të vogël..  Unë e propozova në Këshill dhe u votua që do të marrim një veturë të tillë, ku është këtu problemi?”.

“Të shohim edhe njëherë, sa e bukur është, shihe, shihe (Kamera shfaq inserte nga vetura Audi jashtë hyrjes së shtëpisë televizive, ndërkaq Merko qeshet)…. Çfarë kryetari komune ju dukem unë, do të shkoj me Fiqo?”, tha Merko duke shtuar se nuk ja vlen një kryetarë komune të shkojë me tesha të grisura dhe veturë të vjetër.

Ai tha se nuk është pishman që e ka blerë, dhe shtoi se “ndoshta duhej të kishte blerë veturë ende më të mirë”.

TË FUNDIT

ME TE LEXUARA

LEXO MË SHUMË

IMG_1058

Irani thotë se ka përfunduar me sulmin ndaj Izraelit, i kërkon SHBA-së të “qëndrojë larg”

bujar osmani

Sulmi i Iranit ndaj Izraelit, Osmani: Dje paralajmërova, t’i themi stop fushatës së zezë dhe luftës hibride

IMG_1055

Mexhiti në Kumanovë: Na duhen njerëz që punojnë, e jo që flasin dhe zhvasin

IMG_1054

Taravari: Fitorja jonë vjen për shkak të bashkimit, nuk ka alternativë tjetër përveç ndryshimit

08640000-0a00-0242-2f7c-08d9c5599401_w408_r1_s

Irani nis dronë drejt Izraelit si shenjë hakmarrjeje

2e2960a3-c8a2-44b9-b1e2-1a8b2b89134c

Kasami nga Kumanova: Ndryshimi po vjen! VLEN së shpejti do udhëheq Qeverinë dhe të gjitha komunat shqiptare

IMG_1049

Fronti Europian në Prespë/ Ahmeti: Fronti Europian dinë vetëm të fitojë

FB_IMG_1713028144302

Taravari takim në Kumanovë me Shpëtim Pollozhanin: Shumica e të burgosurve politikë në raste të montuara janë shqiptarë

stevo pendarovski

Pendarovski: Nuk ka plan “B” për ndryshimet kushtetuese, vetëm plan “A”

INFO

NA NDIQ