Të ftuar në studion e “Dancing With The Stars Fan Club”, ishin Albi Nako, ish-konkurrentja e DWTS Julka Gramo, Ronaldo Sharka dhe partnerja e tij në kërcim Frenki. Mbrëmja e të premtes ishte plot me debat mes Ronaldos dhe Oltës, ku kjo e fundit e konsideroi valsin që ai kërceu me partneren e tij Frenki, si valsin më të shëmtuar. Kaq ka mjaftuar që të shpërthente dhe Ronaldo.
Duke komentuar vendimin e jurisë dhe pikët që i dhanë Ronaldos, Albi Nako shprehet se Olta ka bërë vlerësimin dhe përgjigjen më të shëmtuar të një anëtari të jurisë, sepse ajo duhet të gjykonte nga ana profesionale dhe jo personale.
“Gjatë rrugëtimit kuptova që Ronaldo është një ndër të paktit persona që e donte kërcimin, ndryshe nga disa konkurrentë pa cituar emra. Olta për mua bëri përgjigjen më të shëmtuar e një anëtari të jurisë sepse duhet të gjykojë nga ana profesionale dhe jo personale”, u shpreh Albi Nako.
