Nedai Shaholli
(qyfyre bulevardi)
Këto ditë janari që thoni ju more shokë ‘grupi i zjarrit’ brenda DUI-t, patisë më të madhe shqiptare në ‘drzhavën Severna’, kanë zbritur në bazë për të shpërthyer rebelimin e tyre brenda partisë kundër kuadrove të saj në qeveri si dështim personal i atyre kuadrove dhe i partisë në qeverinë e koalicionit.
Kësisoj, lideri i partisë Ali Ahmeti ‘ka mprehur shpatën’ përmes këngës folklorike si meszh i koduar për ‘grupin e zjarrit’, duke i zgjidhur pakënaqësitë brenda partisë me ‘forcën e shpatës së drejtësisë’ që vepron në mesin e integristëve.
Kuptohet more shokë se këta ‘grupi i zjarrit’, janë ronitur duke pritur për t’i shprehur pakënaqësitë nga smira dhe humbja e privilegjve që gëzonin në parti, pasi të tjerë puthadorë i zunë vëndet e tyre në parti duke i nxjerr jashtë radhëve të pushtetit të pakënaqurit e partisë.
Kështu, ‘grupit të zjarrit’ nuk i ka mbetur rrugë tjetër përveçse zjarrit që ka kapluar selinë e partisë t’i përgjigjet me zjarrin e rebelimit dhe pakënaqësisë në bazë!
Se a do të arrijnë ‘grupi i zjarrit’ që pakënaqësinë e tyre ta bëjnë kauzë për zgjidhje, do të varet shumë nga militantët integristë në bazë dhe nga të pakënaqurit e tyre që janë anashkaluar nga përfitimet që partia ndanë për militantët!
Megjithatë, Ali Ahmeti e mprehu shpatën!
