Xabi Alonso po bën shumë mirë në stolin e Bayer Leverkusen. Skuadra gjermane ka mbërritur në gjysmëfinalet e Europa League.
Tani duhet të kalojë pengesën Roma për të siguruar kualifikimin në finale. Trajneri spanjoll pëlqehet nga shumë klube.
Ofertat nuk i mungojnë, sidomos nga Premier League. Por, ish-mesfushori i madh nuk do të largohet nga BayArena.
“Një përgjegjësi që kemi si drejtues klubesh është padyshim të shohim dhe vëzhgojmë trajnerët. Jo vetëm kur nevojitet, por edhe në raste të tjera.
Ne e kemi ndjekur Xabi Alonson për një kohë të gjatë, e kishim vendosur në listën tonë të trajnerëve të mundshëm të së ardhshmes.
Krijuam ndjesi pozitive nga Xabi. Biseduam me të dhe kuptuam se ai kishte vërtet ide shumë të qarta. Kishte aftësi dhe virtyte shumë të rëndësishme, por edhe një eksperiencë shumë të madhe në botën e futbollit.
Ne duam ta kemi atë trajner edhe sezonin e ardhshëm për t’i dhënë vazhdimësi gjërave të shkëlqyera që po bëjmë”, deklaroi Fernando Carro, kreu i klubit gjerman.
Roma-Bayer Leverkusen luhet sonte në “Olimpico” (21:00)..
