Kryesia e ngushtë e Alternativës sonte duhet të vendos nëse do të qëndrojë si pjesë e Qeverisë, ose do ta braktisë.
Ky vendim i saj do të merret pasi që kryeministri Dimitar Kovaçevski paraprakisht e njoftoi kryetarin e Alternativës Afrim Gashi për ofertën e re të resorëve ministror dhe negociatat me ASH që të bëhet pjesë e Qeverisë.
ASH do të ketë dy poste ministrore dhe një zëvendëskryeministër, ndërsa LSDM dhe BDI do t’i lëshojë po ashtu edhe disa poste udhëheqëse në institucione të tjera.
Alternativa nuk zbulon nëse oferta e Kovaçevskit është e pranueshme apo nëse hyrja e ASH-së do të nënkuptojë largimin e tyre nga shumica qeveritare. Jozyrtarisht, Alternativa komenton se marrëveshja mes Kovaçevskit dhe kryetarit të ASH-së, Arben Taravari është më tepër që Alternativa të largohet nga Qeveria.
“Ne jemi gati për të gjitha sfidat. Ky është një skenar i pritshëm për ne. Autoritetet partiake do të marrin një qëndrim përfundimtar pas zyrtarizimit të koalicionit të ri”, kanë theksuar për “Sloboden Pecat” nga Alternativa.
Nga LSDM thonë se Kovaçevski do të presë deri nesër vendimin e Gashit nëse Alternativa do të mbetet në Qeveri.
Varësisht nga vendimi i Alternativës, ekipet negociatore të LSDM-së dhe Aleancës duhet të përcaktojnë përfundimisht dikasteret sonte dhe nesër organet më të larta partiake të konfirmojnë marrëveshjen për partnerin e ri qeveritar. (INA)
