Ambasada e Gjermanisë paralajmëron telashe për Kosovën nëse s’e themelon Asociacionin

Iliria News Agency
Iliria News Agency

14 Janar, 2023

Shtetet e Bashkuara të Amerikës dhe shtetet kyçe të Bashkimit Evropian janë duke kërkuar me ngulm që Kosova të themelojë Asociacionin e Komunave me Shumicë Serbe. Ndërkohë paralajmërojnë se qasja bllokuese mund t’i kushtojë Kosovës në procesin e anëtarësimit në Këshillin e Evropës dhe në Bashkim Evropian.

Sipas zyrës që përfaqëson shtetin gjerman, do të jetë e vështirë që të sigurohet shumica në Këshillin e Evropës nëse Kosova do të vazhdojë të refuzojë themelimin e Asociacionit.

“Gjermania dhe partnerët vazhdimisht kanë theksuar se bisedimet për zbatimin e Asociacionit për komunat serbe duhet të fillojnë që tani, duke synuar themelimin e një asociacioni, sipas marrëveshjes përkatëse kosovaro-serbe nga viti 2013, që është plotësisht në përputhje me limitet e përcaktuar nga Gjykata Kushtetuese. Bllokimi i mëtejshëm i themelimit të Asociacionit nuk do ta bëjë më të lehtë për Kosovën arritjen e shumicës së nevojshme për aplikimin e saj për t’u bërë anëtare e Këshillit të Evropës”, thuhet në përgjigje.

Gjithashtu Ambasada Gjermane potencon se mos-implementimi i marrëveshjes së Asociacionit do të ndikojë negativisht edhe në përpjekjen e Kosovës për anëtarësim në instancat e Bashkimit Evropian.

“Ajo do të përbëjë gjithashtu pengesa serioze në procesin e mëtejshëm të asocimit në BE”, thuhet në përgjigjen e Ambasadës gjermane, e cila ka theksuar se shtetet evropiane janë të gatshme ta ndihmojnë Kosovën në procesin e themelimit të Asociacionit. “Sa u përket detajeve teknike, veçanërisht partnerët evropianë mund të ofrojnë mjaft ekspertizë, kur bëhet fjalë për hartimin e qasjeve të përshtatshme ligjore. Gjermania do të jetë e lumtur të mbështesë dhe të ndajë përvojat e saj në këtë fushë nëse dëshiron”, kanë shtuar tutje. /express

ME TE LEXUARA

LEXO MË SHUMË

rron gjinovci

VIDEO/Gjinovci: Mendësia feudale jo vetëm në Kosovë, paramendoni Ali Ahmeti selinë e ka në një katund në Tetovë

mesiq stipe mesic

Mesiq: Nëse dikush mendon se Kosova mund të kthehet me luftë, ai është një i humbur

policia kosoves

Thirrja e dyshimtë për marshim drejt veriut, Policia – qytetarëve: Mos bini pre

vucic

Momenti kur gazetarja e CNN i drejtohet herë Vuçiqit: A e njihni Kosovën si shtet të pavarur dhe sovran?

stoltenberg nato

Stoltenberg: Dhuna ndaj KFOR-it në Kosovë është krejtësisht e papranueshme

spartak

Avokati shqiptar zbulon skemën e Pentagonit për komunat veriore dhe paralajmëron fundin e Vuçiçit si të këtij politikani

kfor veri barrikada

Serbët në veri protestojnë në ditën e pestë me radhë

vucic-rama

VIDEO/Bumçi akuza Ramës: Qëndrimet e tij dobësuan Kosovën, e izoloi me Ballkanin e Hapur

AGK Asociacioni i Gazetareve KS

Fushatë me fotomontazhe ndaj gazetarëve Buzhala, Kabashi dhe Hamidi, reagon AGK

INFO

NA NDIQ