Ambasadorja e re amerikane në Shkup: Në tre fusha do të ndihmojmë Maqedoninë e Veriut

0

Ambasadorja e re e Shteteve të Bashkuara në Shkup, Kate Byrnes përmes një video-mesazhi ka theksuar gatishmërinë për të ndihmuar Maqedoninë e Veriut në rrugën drejt integrimit në NATO dhe Bashkimin Evropian.

Diplomatja amerikane, Byrnes në Shkup pritet të arrijë në javën e ardhshme,duke zëvendësuar ambasadorin e deritanishëm, Jess Baily, informon TV Shenja.

Introducing Kate Byrnes, the new U.S. Ambassador to the Republic of North Macedonia

Meet Kate Byrnes, the new U.S. Ambassador to the Republic of North Macedonia!

Gepostet von U.S. Embassy North Macedonia am Freitag, 5. Juli 2019

Kate Byrnes, ambasadore e SHBA-së në Shkup

“Njëzetegjashtë vjet punoj si diplomate në promovimin e sigurisë, prosperitetit, respektimin e të drejtave të njeriut, dallimeve, sundimin e së drejtës dhe tregjeve të hapura. Me pa durim pres që të vazhdoj punën në Maqedoninë e Veriut. SHBA-ja është krenare për miqësinë e fortë me qytetarët e Maqedonisë së Veriut…Vlerësojmë guximin dhe profesionalizmin e ushtarëve tuaj dhe ju presim si anëtare e 30-të e NATO-së

Ajo ka thënë se Maqedonia e Veriut është në rrugë të mirë drejt NATO-s dhe BE-së dhe se do të ndihmojë vendin në krijimin e mundësive të reja për prosporitet dhe përforcimin e raporteve mes dy vendeve.

Byrnes është një diplomate karriere, deri tani kryente detyrën e zëvendës-shefes së misionit amerikan në Athinë, ndërsa paraprakisht ishte përfaqësuese e përhershme e misioni amerikan pran OSBE-së në Vjenë.

Gjatë dëgjimit në Senat në prill, Byrnes ka thënë se puna e saj në Maqedoninë e Veriut do të përqendrohet në tri fusha, në promovimin e stabilitetit përmes institucioneve të fuqishme, në forcimin e sigurisë përmes partneritetit dhe do të punojë në nxitjen e prosperitet.