Ana dhe Kevini janë një nga çiftet më të pëlqyer që romancën e tyre e filluan brenda në ‘Big Brother VIP Kosova’.
Të ftuar së fundmi në emisionin “Canape”, Ana dhe Kevini folën hapur për marrëdhënien e tyre, jetën pas daljes nga shtëpia më e famshme në Kosovë, dhe planet për të ardhmen. Në mesin e shumë rrëfimeve dhe batutave të ëmbla mes tyre, vëmendjen më të madhe e mori një projekt i ri dhe mjaft misterioz që Kevini ka nisur ta promovojë në rrjete sociale, shkruan “Kosovarja”.
Kevini ndau një imazh ku lexohej mbishkrimi “Unë dhe Ti”, shoqëruar me disa detaje që kanë nxitur kureshtjen e fansave. Por ajo që shkaktoi më së shumti reagime ishte një fjali intriguese: “Ndoshta edhe dasmë me helikopter…”.
Kjo deklaratë, edhe pse e lënë mes rreshtave, ka mjaftuar që fansat dhe ndjekësit të nisin spekulimet për një dasmë të afërt.
