Trajneri i Real Madridit, Karlo Ançeloti lavdëroi sulmuesin e tij Kilian Mbape, pasi ai shënoi hat-trick në fitoren 3-1 ndaj Man. Sitit të mërkurën, që i çoi ata në mesin e 16 skuadrave më të mira.
Trajneri Ançelotti tha se Mbappe ka potencialin për të arritur të njëjtin nivel me Kristiano Ronaldon, i cili është golashënuesi më i mirë i të gjitha kohërave të Realit me 451 gola në 438 ndeshje për 15 herë fituesit e Ligës së Kampionëve.
“Ai ka cilësinë për të arritur shifrat e tij, por duhet të punojë, sepse Kristiano e vendosi shiritin shumë lart, por ai është aq i emocionuar për të luajtur këtu, ai mund të arrijë nivelin e Kristiano-s, ” tha Ançelotti në një konferencë për shtyp.
“Të gjithë prisnin këtë hat-trick nga ai dhe më në fund erdhi. Por Mbappe nuk është i vetmi, ne kemi shumë lojtarë që bëjnë diferencën. Dhe ata bëjnë një ndryshim me punën e tyre kolektive mbi cilësinë e tyre individuale, e cila është e jashtëzakonshme”, shtoi italiani.
Spanjollët do të përballen me Bajer Leverkuzenin ose rivalët e qytetit Atletiko Madrid, në varësi të shortit, pasi ata kërkojnë titullin 16-të në këtë garë.
