“LSDM është një partner i vogël në qeveri dhe kjo bazohet në disa aspekte. Kur Kovaçevski u pyet se si do të funksionojë qeveria, Kovaçevski nuk u përgjigj vetë, por iu drejtua Ahmetit për ta pyetur dhe përgjigja ishte e njëjtë si më parë. E dyta, kur ndodhi turbulenca në BDI, Kovaçevski nuk e kishte problem situatën, por erdhi e gjithë qeveria e Kovaçevskit, të gjithë deputetët dolën në mbrojtje të Artan Grubit. Projektet kyçe nuk udhëhiqen nga Kovaçevski, por nga Artan Grubi dhe Kreshnik Bekteshi“, thotë Stefan Andonovski, sekretar për marrëdhënie ndërkombëtare i VMRO-DPMNE-së, në një intervistë mbrëmë në TV Shenja.
Andonovski theksoi se BDI është në krye të qeverisë, por efektet dhe përfitimet e atij sundimi i sheh vetëm Artan Grubi dhe ekipi rreth tij.
“BDI qeveris me shtetin, por efektet dhe përfitimet e atij pushteti kanë vetëm Artan Grubi dhe skuadra përreth, dhe qytetarët shqiptarë jo. Do të isha i lumtur nëse do të bëhej për cilindo qytetar në Maqedoni, sepse qytetarët po largohen nga Kërçova dhe Tetova, siç po largohen nga Velesi, Koçani apo Berova”, theksoi ai.
Andonovski theksoi se në projektin më të shtrenjtë për ndërtimin e Korridorit 8, Grubi është personazhi kryesor, ndërsa Bekteshi në koncesionet për pasuritë minerale.(INA)