Anesteziologu Valton Dervishi, i cili postoi video drejtpërdrejt në rrjetin social TIK-TOK, në repartin e gjinekologjisë në spitalin e Tetovës, i është marrë licenca e mjekut dhe të njëjtit i është ndaluar të ushtrojë profesionin për 7 vjet.
Ky është vendimi i “Këshillit i nderit pranë odës së mjekëve”.
Sipas rregulloreve ligjore, ky është dënimi maksimal që mund të vendoset për shkelje etike në punë.
Prokuroria Themelore Publike në Gjykatën Themelore në Tetovë ka dorëzuar aktakuzë kundër anesteziologut Valton Dervishi nga spitali i Tetovës. Ai akuzohet për vepra penale – Shkelje në shërbim si dhe regjistrim të paautorizuar.
Prokurori publik ka paraqitur edhe propozim në Gjykatën Themelore në Tetovë për vazhdimin e masës së paracaktuar të paraburgimit ndaj të akuzuarit./Shenja.tv