Gazetarja dhe analistja Anita Latifi ka shkruar në Facebook për emërimin e Talat Xhaferit për kryeministër në Maqedoninë e Veriut, shkruan TV21.
Latifi në ditën e votimit në Kuvend, ka uruar personalisht Xhaferin, por ka kritikuar BDI-në. Latifi thotë se po të mos ishte kjo eufori e BDI-së, shumë më shumë shqiptar do ta përjetonin këtë ditë edhe si të veten.
“Ne një shtet që ka vetëm 3 dekada, nuk është e jashtëzakonshme ende të ketë “i parë, e para”. Në këtë histori në aspekt etnik, Talat Xhaferi së treti shënohet si “i pari shqiptar” si ministër i mbrojtjes, kryetar kuvendi dhe prej sot pritet të shënohet si kryeministër i parë. Pa hyrë në kompetencat e kryeministrit teknik, po – emri i Talat Xhaferit do të hyj në historinë e emrave të kryeministrave të vendit dhe urime Talat Xhaferit edhe një epitet “i pari”! Euforia që po krijon BDI-ja për ta shitur aktin e sotëm si realizim i premtimit të vet parazgjedhor, as nuk hahet as nuk pihet. Veç mund të bëjnë dasëm me mendje sepse opinioni nuk e blen këtë mall PR-i. Të mos ishte kjo eufori e panevojshme e egzagjëruar, jam e bindur se shumë më shumë shqiptar (jasht BDI-së) do ta përjetonin këtë ditë edhe si të veten.
