Prezantuesja e Big Brother VIP Albania, Arbana Osmani si gjithmonë është e njohur për urimet e veçanta në stilin e saj për festat e ndryshme, sidomos ato fetare.
Një javë më parë me shumë hare dhe përgëzime uroi besimtarët katolik për festën e Pashkëve Katolik, duke bërë edhe ceremoninë e thyerjes së vezëve, ndërsa mbrëmë edhe pse ishte nata e dytë e Fitër Bajramit, ajo nuk bëri asnjë urim, të paktën nuk shprehu një urim për dy banoret Nitën dhe Efin që agjëruan për pak ditë Ramazanin dhe që festuan Bajramin.
Në rrjetet sociale kanë shpërthyer reagime, duke thënë se vezë vezë për Pashkët, ndërsa për Bajramin as edhe një copë bakllava.
Lidhur me këtë ka pasur edhe një postim me reagim nga gazetari i njohur nga Shkupi, Daut Dauti.
“Kjo Arbana O S M A N I a ua uroi sonte myslimanëve që janë shumicë në gjitë shqiptarinë ditën e Fitër-Bajramit? Apo kjo feste nuk eshte e denjë si Pashkët apo Kërshëndellat, e Shën Valentinat e Hallouinat?!”, ka reaguar Dauti. (INA)
